不知不覺來澳已將近一年，經歷了由封關到爆疫LOCKDOWN再開放再爆OMICRON到共存，生活基本上已經回復正常。小朋友照返學已過了一個TERM，我哋借頭借路問下佢仲鐘唔鐘意香港間學校，結果很正常地係不願回香港而選擇澳洲學校。
雖說人人都見到李加超做新特首係標誌著香港再跌入更黑暗既深淵，但事實上真係有幾多人有決心郁？
下面有三個關於朋友移民CASE想記錄一下，將來回看作檢討
- 有本身預計要移民加拿大的朋友竟然將計劃取消留港。好奇一問之下原來始終怕到外地找不到工作，也放不下年老的雙親。也許人在籠中久了没感覺，便直頭諗住放棄算數。我作為朋友只可以勸告說人到中年有去加拿大的機會不易，而且加拿大是最易申請父母移民的國家，希望佢好好諗真啲，唔好將來後悔。理由都係不外乎係人都知嗰啲啦。香港醫療系統只會越嚟越大陸化，望下上海一夜封城，多少人無啦啦被捉被困。連小朋友都要獨自隔離，完全係視人命如草芥。以前都仲可以話老人家唔使走啦，但現時有邊個可以擔保兩年後香港醫療仲可以照顧好你父母？2022年第五波香港疫情死既老人幾多死於病毒，幾多死於香港既人禍大家心中有數。
- 有離地朋友忽然驚覺比卡超做CE好似唔多對路，心裏有一絲念頭幾時應該帶埋仔女番加拿大。當然離地朋友老公覺得其實燒唔到我，唔願意離開COMFORT ZONE，結果不了了之。這類CASE身邊其實大把，不管離地，或許是對香港政府大有不滿既朋友，口𥚃總會投訴香港變得有幾差，但一提到要唔要考慮走呢，就會自動退後。都已經2022年了，對著呢啲朋友只能說「咁你地小心啲，唔對路就好閃」，然後明知結果是不會變。
- 朋友海外簽證到期，最遲要今年來澳洲LAND。最後關頭決定LAND完回港再搵多年錢先走。其實呢類個案不少，始終唔係個個去到外地都搵得返本身既價。但除非你決定黎到就真係完全唔撈番本行，否則其實係新地方建立番事業都係要時間。遲一年來開始就遲一年回到正軌。而且好多CASE會係明年復明年，最後不了了之。It’s now, or never.