因一張宣道小學工作紙, 吊銷了一個資深老師的牌照.
香港傳媒要採訪要得警方認證. 變相搞記者發牌制度.
司法界何俊堯裁判官只係判了幾單在從前理所當然既合理結果, 便被追擊所謂偏坦示威者而要調職.
公院醫護近來亦已收到醫管局番舊賬要解釋之前羆工要求封關事宜, 相信遲早一定會搵人祭旗.
專業職系向來講求要有批判思考, 要講常識及普世價值. 但現時香港已極速倒退至1966年上海, 只求政治正確, 不求真相. 所以丕難理解為何極權政府首先要摧毀以上團體. 有牌照制度既用發牌釘牌來控制, 無牌照制度? 僭建一個無難度.
除了以上所講, 香港地産商亦積極配合港共政府, 於市況極差下向黃店大幅加租, 希望打壓黃色經濟圈. 政府亦帶頭要公務員宣誓支持基本法(國安法?). 總之目的就係令所有反對聲音無收入, 睇你仲出唔出聲.
當說真相之聲被滅, 藍絲們以為香港會”變番以前咁”, 其實先係真正災難既開始. “政治正確”既人有免死金牌, 可以唔再專業時為乜要落力做得咁辛苦? 貪污, 偷工減料等事可以預計會未來幾年幾何級數上昇. 最後受到最大波及既係乜人大家心中有數.
由此可見香港公民社會已經去到生死存亡階段. 可惜一切只會向更差一方走, 香港人唯有積極不合作, 令衰敗速度可以無咁快. 要親眼看著香港墮落, 實令人唏噓不已.