來到澳洲半年多, 在澳洲過的第一個冬至. 很多朋友問我生活如何, 能適應外地生活嗎? 太太半個月前也問了同樣的問題, 她說在這裡生活過後, 比她想像中難適應. 原因主要係因為太太從事醫療行業, 日常工作主要同本地人問病情, 好多SLANG未必明白, 溝通上唔及香港咁容易, 不難理解.
我對她這問題的回應是我適應得非常好, 同我來澳洲前想像既有九成似. 原因係我做美國公司, 本身香港都係在家工作, 來到澳洲後工作上基本上無變. 主要要適應既係一般生活上既改變. 而現在網上購物非常方便, 買乜都係上網篤幾下就送到門口, 好多時仲方便過香港. 對我來講最大既分別係無咗工人姐姐. 吸塵掃地, 洗衫曬衫, 煮飯洗碗一一都要自己做. 仲未計來到澳洲住HOUSE有前後園要掃葉同草. 但呢一啲嘢都係我來之前預計之中. 而小朋友方面, 確實係比大人容易適應, 來了半年番咗陣DAYCARE (其實番得三個月左右, 因為COVID有段時間無番), 一星期都唔番得足, 只係番兩日同睇下YOUTUBE咁. 小朋友既英文口音己經要比我地兩個好. 可惜既係佢唔太鐘意番DAYCARE (口講話唔鐘意, 開頭係有喊下. 而家每次去都話有FRIEND乜乜物物…), 希望番學會好一啲. 朋友聽完我地講, 只係講咗一句”放心啦, 呢邊無小朋友唔鐘意番學架喎”…
總括而言, 而家香港人要移民比之前容易得多. 加拿大, 澳洲, 英國皆有救生艇計劃. 而如果可以既話, 盡量在走前搵定一份可以REMOTE(或者當地)既工作. 因為移民本身己經有大量東西要煩, 煩少一樣得一樣, 而且無咗收入可能會令人有唔少壓力, 一有壓力就好易影響到其他事情既判斷. 另外而家有大量YOUTUBER介紹不同地方既移民生活, 雖則不能盡信, 但參考多幾個例子總無壞, 去前唔好作太多浪漫幻想, 腳踏實地生活, 移民去邊度都總比完善既新香港好. 尤其係有小朋友既話, 淨係唔使上堂睇南京大屠殺影片已經所有努力都值回票價!