警方先以欺詐名義高調拉黎智英:
//控罪指，三人在2016年6月底至今年5月底，未有按照1999年5月與香港科技園公司簽訂的租契要求，使用將軍澳工業邨駿盈街8號的處所，並向香港科技園公司隱瞞用途，導致公司蒙受不利，或令蘋果印刷或力高顧問獲利。//
呢啲咁既野基本上要拉既話全香港生意人拉左九成. 仲要因為咁而唔比保釋, 未判先坐半年. 跟住再到12月11日再加控國安法. 基本上肥佬黎係做硬烈士.
一個有錢佬, 可以輕易唔出聲嘆下世界. 肥佬黎為咗香港可以咁樣玩命, 實在令人敬佩.
喺一個咁令人傷心既星期五過後, 星期一早上, 2020年12月14日太太終於收到澳洲通知個牌出咗, 可以正式去申請VISA. 而移民局亦好快咁出咗信比我哋去拎良民證. 距離正式逃離香港又踏前了重要一步. 離開的日子叫做進入倒數, 心情難免有點複雜. 之前一路好想快啲離開, 到真係要走, 又不免想到留港的家人朋友一別後不知何時再見. :(