不少香港人其實喜歡工作, 每天以工作搵錢為樂, 而生活成本主要在於供樓. 其實香港之崩壞正好為不少人當頭棒喝, 再次反思生活的意義, 可以話係近年發生既壞事中一些(相對)少少好處. 在滿足基本物質需要後, 人應該將精力放去更高層次既地方, 還是再加強力度搵更多錢, 呢樣無絕對既對錯, 作出深思後對得住自己, 對得住朋友家人不要老來後悔便足夠.
好喇咁但係現實就係要先搞掂兩餐先再有時間講第樣嘛, 到底香港同雪梨既生活成本於2021年分別係點呢? 呢度我用番本身我自己屋企使費來作比較, 未必人人合用.
衣: 呢邊買衫有平有貴. 但一般入口貨一定比香港貴. 以UNIQLO既一件羽絨褸黎計, 香港HKD299~399, 雪梨AUD100. 但平既話去KMART買件TEE可以講緊AUD10內.
食: 為咗唔食黑心食物, 香港平時我地一星期去CITYSUPER買一次餸約HKD1500~2000, 加埋其餘柴米油生果等一個月大約HKD8000~10000走唔甩. 黎到澳洲本地食材又新鮮又平, 食得放心都係大約AUD150一星期全包. 如果出街食, 價錢一般比香港貴20~30%, 但份量通常亦大番, 可能要就算外國人SIZE. 至於外賣, 一般同堂食一樣價錢, 好少會有香港咁樣外賣平啲. 總括來講, 平在食材, 貴在人工. (某些澳洲産既食材如: 奶, 䒦士, 牛肉係可以平到你唔信. 唯獨唔知點解啲薑貴得好緊要, 成AUD60一斤!!)
住: 住呢樣野雖然雪梨係世界上貴得數一數二, 但無乜可能同香港比較(以呎數計). 離開香港前我地賣了樓短租一個約1000呎3房單位, 連埋車位每月約HKD30000. 在雪梨選好學校區, 租了一間兩層TOWNHOUSE連前後花園加車房(泊兩架車)大約每週AUD650(約每月~HKD15000)
行: 在雪梨坐公交相對於係貴到痴線, 去好近坐兩個站都AUD5走唔甩. UBER/的士就更加唔使講, 起碼貴香港成倍以上. 但呢邊買車平過香港唔少, 有時啲MODEL望落同香港價錢差不多, 但細心望下就會發現呢邊既MODEL同樣價錢係FULL OPTIONS, 而香港係最BASIC. 至於養車, 泊車基本上唔多使錢(入CBD除外), 油價平香港約一半. 我入滿一次油大約行800~850KM都係AUD70.
總括來講, 買野買本土, 唔好煩到人SERVE既野都唔貴. 因為係澳洲, 最貴就係人工!