不經不覺來到澳洲已經15個月有多。一般生活可以講得上係完全適應，正常既ROUTINE野亦已經運作如常。太太工作上如來澳前所預期，一年左右拎番個牌，等埋啲文件野搞掂應該無乜問題。小朋友番學放學興趣班，WEEKEND就可能出去遠啲食下野。
我就仲簡單，睇下書上下網煮下野食好滿足。最近亦買番支結他嚟玩下。以前都係簡單掃下CHORD唱下歌咁無乜技巧，而家時代唔同咗，YOUTUBE上好多好既教學學多啲背後既理論。比起以前搵書搵NOTES自學既容易咗又深入咗。老實講搵到樣可以令自己沉迷既野其實係件幸福既事。希望係未來仲有少少空閒既短短幾個月可以練好啲。
正當一切一切看似回復正常，但當上次去睇《時代革命》既時候，眼淚總係不停咁流。對香港感覺既陌生但又熟識，但隨著越來越多朋友會來澳洲，自己心入面清楚知道舊日香港已經一去不返，只餘下腦海中既印象。而最實制對一個地方投下既一票，正正係放你既下一代係嗰度生活成長。今朝太太一早起來同我講：「恭喜你呀！你又做爸爸喇」Okay, made in Australia!