太約四個月前, 太太完成了所有考核, 取得澳洲專科牌. 在文件尚在處理當中之際, 有理無理照入紙申請住189 VISA先. 兩個月前, 我地收到澳洲移民局發出既189邀請. 但問題係啲文件仲未搞掂. 好大機會要放棄等下次. 誰不知好好彩在截止前三日, 正式收齊了所有文件. 而我亦於早兩天考埋英文試, 一切準備就緒, 正式可以入紙申請澳洲永久居留資格.
諷刺既係今日香港亦宣布推出多項吸引外地人才來港既政策, 例如: 引入合資格非本地牙醫. 英國方面亦正正係同一日宣布，將會擴大BNO簽證計劃，容許在1997年主權移交後出生、父母其中一方擁有BNO國籍身份的年輕香港人直接申請BNO簽證搬到英國居住. 到底邊度比較吸引? 係人才既自然心裏有數.