港共政府為逃避責任, 將社會問題之根源指𠿟教育呢種手法已經係每次必出既招數. 跟住落黎將會派員到每間學校𥄫實啲老師有無”亂講野”. 再加強洗腦啲咩愛國教育, 列強想瓜分我大好河山之類既民族情愁入去課程度已經係可以預見.
香港既教師正面對住一場非常難打既仗. 為此不少朋友對香港教育十分擔心, 希望幫子女入讀國際學校可以避免呢個災難. 而佢地心目中條路就係仔女由國際學校再升讀外國既大學離開香港.
對於呢條路我個人有好大保留. 原因如下:
- 香港既國際學校學位太少, 而且學費貴到一個十分不合理既地步. 有啲仲要買債劵先有interview既機會, 基本上係當你水魚咁劏.
- 大陸呢排無喇喇無事搵事搞鳩蒙古學生唔比人用蒙古語教學. 要知蒙古族根本本身係大陸黎講係順民, 中共失驚無神咁都去開多條戰線完全係瘋狂失控, 邊個保証香港既國際學校過兩年唔會照比人搞? 教育局對呢啲洗腦工程既條文係一視同仁, 而家唔郁你住只係隻眼開隻眼閉, 中央政府有日落個死命令你估佢地可以獨善其身?
- 美國表示目前正慎重考慮限制中國學生或研究人員赴美. 原因係太多中國學生去偷技術同埋聽中國外文部支笛去滲透人地國家. 香港己經比TRUMP定為一國一制, 就算現在香港既留學生不被當成中國學生. 但當大陸佬去唔到外國讀書, 佢地黎拎個身份証再去有幾難? 大佬華為公主都有3本香港護照啦. 所以香港學生被禁絕對唔係無可能既事.
綜合以上三點, 我個人就絕對唔會願意將仔女既前途去賭香港既國際學校”有險可守”. 當然人人情況有別, 可能不少人有離不開既原因. 但如果你有仔女, 而你有能力同佢地一齊離開就真係要認真再諗清楚. 唔好為咗走唔出COMFORT ZONE或者減少人工而賭上你仔女既一世.