以前在港太太做產檢，打針驗血通常都係喺診所全包。澳洲呢邊因為好多ITEM都分得好細，驗血既驗血，打針既打針，變得無咁”一條龍”服務，相較之下就顯得無咁方便。
如果喺公立醫院生，只要有MEDIC CARE就係免費。但若要選自己喜歡的私家醫生，咁就會要比兩筆費用。一筆係神早3個月時已經會收你（可能係怕你最後唔用佢），另一筆就係生仔時收埋。住私家醫院的話如果有買HEALTH FUND包生仔既PLAN，基本上只要比幾百蚊EXCESS就全包。兒科同麻醉科醫生一般會CLAIM MEDIA CARE/HEALTH FUND後收GAP FEE（因太太都係做醫療所以無收）。全程扣完哂保險我地自己大約出3000零蚊。相比起之前香港係平好多。
BB出世後，基本用毛巾抹乾淨後包住就掉咗比你。一係放比媽媽埋身，一係就放係床仔度比爸爸推去房。因為佢見我一路都喺房度，所以唔會有人幫你換片喂奶，全部自己做。沖涼房度有得報名學BB沖涼班，唔沖都無人會理你，但唔好諗住會有人幫你BB沖！姑娘一般都好NICE好FRIENDLY，但手腳比較慢（普遍所有野都係，唔淨係講姑娘）。產婦既餐單方面基本上係乜都有，沙律/果汁/雪糕/飯/三文治/。。。唔存在介口食物。對於我地啲有經驗既父母，其實我覺得你唔好煩我都幾好，但新手爸媽可能會有啲手足無措，不過你肯問，通常都可以好快上手。
BB出世頭一個月我地請了個24X7陪月阿姨，所以暫時生活仲悠閑過之前，有時間同太太一齊煲韓劇。黎緊太太希望產假後轉工。畢竟留係公立醫院已經兩年，拎到PR生埋仔呢個POSITION已經差不多到到佢既盡頭。我地對於呢間醫院係心存感激，因為佢比到我地一個踏腳石來到澳洲，但係都係時候要進入我地移民既另一階段，離開公立醫院搵多啲錢。