離開隔離酒店前我地最急於去完成既事務就係買車. 因為預計要買唔少家用品, 無架車應該好難搞. 但因為武漢肺炎關係, 澳洲買架新車閒閒地等半年至九個月, 所以我地唯有買架仲貴過新車既DISPLAY…搞掂咗第一架車之後剛好大約要離開隔離酒店之際, 下一步就係到租樓. 好在有朋友J生幫手FACETIME睇樓, 我地先可以足不出戶係酒店睇咗幾間.
Airbnb個view其實好靚, 可惜對實條火車路比較嘈.
係Airbnb住最大好處就係方便, 乜都有齊又近COLES. 等我地容易一邊習慣呢度既日常生活, 一邊搵樓租. 最後其實要夾到我地AIRBNB完既期, 加上校網, 同埋最好唔係APARTMENT既話, 可以選既其實唔多. 就係咁, 我地係AIRBNB住咗大約一星期後就己經決定咗下一個地址. 而我地亦都跟住集中火力去買新居要既用品同傢俱. 電視, 雪櫃, 洗衣機, 暖爐, 床, 梳化, 枱, 椅, 煲, 碟, 櫃, 等等等等… 好在有J生指點, 好多野先知邊度買好. 跟住啲傢俱又唔同時間送貨, 變咗要AIRBNB同新居兩邊走. 下一步就到砌傢俬, 又係問J一借工具, 搵佢幫手搬野上二樓之類. 嗰個星期我用電鑽多過用電腦, 變成熟手技工 :)
話咁快又到咗要搬既日子, 離開AIRBNB搬到新居. 太太亦都因為遠離車站無得再坐火車番工, 所以我地亦都要買第二架車來接女番DAYCARE. 如是者過了兩星期, 在香港船運過來既野終於到. UNPACK咗幾十箱野終於似番個屋企. 有WIFI, 有HIFI! 本應SETTLE好之後終於可以休息下放假出去玩下, 可惜好景不常, 雪梨受到疫情擴大關係要LOCKDOWN!! 打呢篇野時己經係第5個星期, 仲女疫情唔似會停, 今日又單日新高. 分分鐘要LOCKDOWN多幾多個月都唔知. 感謝CCP搞到全世界一鑊泡DLLM.