上個月講到明要劍指四座大山. 先郁教師釘佢地牌制造白色恐怖, 再黎DQ立法會議員. 醫管局明顯收到柯打要清算罷工醫護, 可惜白痴政府連番施政失效造成第四波肺炎爆發, 令到暫時只能扣幾日人工算了事. 當然大量港奸唯恐自己無表現機會出黎鬧醫管局放生黑醫, 相信遟早會再另行清算.
剛踏入2020年12月, 另一重磅炸彈就係有線清算新聞部, 炒哂新聞刺針成組人, 加埋中國組辭職, 有線既存在價值己經等如零. 希望所有仲訂緊有線既人即CUT有線, 唔好再比錢呢啲垃圾公司搵. 要奶大陸鞋底殘害香港新聞員工既公司咪自己問番大陸拎維穏費囉.
搞完RTHK, 有線之後, 香港既調查式新聞己經完全死亡. 再黎當然少不了眼中釘蘋果日報. 黎智英啱啱又比狗拉左話佢同壹傳媒兩高層涉欺詐. 據香港電台報道: “控罪指，三人在2016年6月底至今年5月底，未有按照1999年5月與香港科技園公司簽訂的租契要求，使用將軍澳工業邨駿盈街8號的處所，並向香港科技園公司隱瞞用途，導致公司蒙受不利，或令蘋果印刷或力高顧問獲利。” 當然呢啲指控全部都係BULLSHIT, 實制上就係政治檢控.
以上都未夠既, 仲有黃之峰, 周庭, 林朗彥判分別入獄13, 10及7 個月. 事源係被控未經批准集結. 呢啲野根據張逹明講以前根本唔會告, 而家當然就唔同講法, 有權當然要用盡來打壓反對聲音.
另外浸大學生會會長方仲賢上年買觀星筆被人拉完踢埋保, 即係根本無CASE告. 事隔成年又再拉過, 今次話係「公眾地方管有攻擊性武器」、「抗拒在正當執行職務的警務人員」及「妨礙司法公正」. 到底買支電筒點妨礙司法公正?? 原來係指佢清左部電話既紀錄. 香港而家既律政司真係第三世界都不如.
最後仲有許智峯去咗丹麥訪問, 無耐傳出佢父母妻女都坐飛機離開咗香港, 希望佢唔好膠上腦番黎香港, 好好地係外地為香港發聲. 香港連人民合法選出黎既代議士都要咁樣走佬法, 仲妄想可以継續做一個自由既金融中心, 簡值係痴人說夢.