呢幾個月來發生既事就似活在惡夢中不停輪迴.
好人被補, 被告, 入獄, 流亡多不勝數. 洗腦, 清算, 黑白不分無日無之. 身邊人無力感非常強烈. 有小朋友既十個有八個都準備緊離開香港, 淨番既兩個就諗送仔女出國自己留低搵錢.
點都好, 準備咗咁耐既日子轉眼就要來到. 手上既樓/車己賣. 銀行準備好. 家品今日又寄埋. 走前仲特登去配多副超來渣車. 一切物質上都ready. 反而最未就緒既係人既心情. 呢一個月來不停食farewell飯局. 一路以來我都不善於人際關係, 唔走都唔知原來自己有咁多朋友. 阿女都未走己經話唔捨得學校, 老婆更加唔使講.
但退一步諗, 阿女今日先又有同學退學離港去英國. 當身邊朋友都離開呢座不再熟識既城市時, 就算唔走又真係一切依舊咩? 與其不切實地留戀過去, 倒不如努力在自由國度為家庭的將來打拼, 將自己既命運掌握在手中.
幾星期前先得知澳洲GTI原來上年批得幾容易, 今年己經收緊了. 但因為申請EOI免費, 所以我地都用咗兩星期準備同提交, 如果得就可以加快做PR. 即管睇下過兩個月有無好消息. 而呢段期間, 我都盡力將GTI呢個SCHEME同有條件申請既人提及, 估唔到唔少朋友什至老師都有興趣 XD. 希望他朝有日有多啲朋友在澳相遇.